जेव्हा जेव्हा बचतीचा विचार येतो तेव्हा लोकांच्या मनात फिक्स्ड डिपॉझिटचा (Fixed Deposit) पर्याय प्रथम येतो. लोक मुदत ठेवींकडे सुरक्षित गुंतवणूक म्हणून पाहतात. अशा परिस्थितीत लोकांचा यावरील विश्वास दिवसेंदिवस वाढत आहे. पण तुम्हाला माहिती आहे का की मोठ्या एफडीच्या तुलनेत अनेक लहान एफडी करणे तुमच्यासाठी फायदेशीर आहे. जर तुम्हाला माहित नसेल, तर मोठ्या एफडीच्या तुलनेत छोटी मुदत ठेव ठेवणे फायदेशीर का आहे ते आम्ही तुम्हाला सांगतो.
मोठ्या रक्कमेच्या एफडीपेक्षा लहान मुदत ठेवी अनेक पटींनी चांगल्या असतात. नीट पाहिल्यास चांगले व्याज मिळू शकते. परंतु, एफडी करण्यापूर्वी, तुम्ही त्याच्या अटी आणि शर्ती चांगल्या प्रकारे वाचल्या पाहिजेत. त्यानंतरच तुम्ही गुंतवणूक करण्याचा निर्णय घ्यावा.
त्यामुळे छोटी एफडी फायदेशीर आहे
बाजारातील जाणकारांच्या मते, तुमच्याकडे लाखो रुपये असतील तर ते मुदत ठेवीमध्ये ठेवण्याऐवजी त्या रक्कमेचे तुकडे करून वेगवेगळ्या बँकांमध्ये मुदत ठेवी ठेवाव्यात. याचा सर्वात मोठा फायदा म्हणजे वेगवेगळ्या बँकांमध्ये एफडी करून तुम्हाला वेगवेगळ्या व्याजदरांचा लाभ मिळेल. दुसरीकडे, जर तुम्हाला अचानक काही पैशांची गरज भासली, तर तुम्ही कोणत्याही बँकेची छोट्या रक्कमेची एफडी तोडून पैसे घेऊ शकता.
Fixed Deposit चे गणित असे समजून घ्या
समजा गौरव नावाच्या व्यक्तीने एका बँकेत 1 लाख रुपयांची एफडी केली आहे आणि रवीने 2 वेगवेगळ्या बँकांमध्ये प्रत्येकी 25 हजार रुपयांची 2 एफडी केली आहे. आता समजा गौरवला 25 हजार रुपयांची गरज असेल तर त्याला त्याची 1 लाखांची एफडी तोडावी लागेल. दुसरीकडे, रवीला पैशांची गरज असल्यास, तो त्याची एक एफडी तोडून त्याची गरज पूर्ण करू शकतो. त्यामुळे त्याची दुसरी एफडी पूर्णपणे सुरक्षित असेल.
