तुम्ही अजून SBI च्या अमृत कलश योजनेत गुंतवणूक करू शकला नसाल तर आता तुम्ही सहज गुंतवणूक करू शकाल. यासाठी SBI ने अमृत कलश योजनेतील गुंतवणुकीची मर्यादा वाढवली आहे.
स्टेट बँक ऑफ इंडिया (SBI) ने आपल्या ‘अमृत कलश’ विशेष FD योजनेला दीड महिन्यासाठी मुदतवाढ दिली आहे. SBI ने अमृत कलश योजना 15 ऑगस्ट 2023 पर्यंत वाढवली आहे. यापूर्वी, एप्रिल 2023 मध्ये ही योजना पुन्हा सुरू केल्यानंतर, अंतिम तारीख 30 जून 2023 पर्यंत वाढवण्यात आली होती. जर तुम्ही अद्याप SBI च्या या योजनेचा लाभ घेऊ शकला नसेल, तर तुम्ही आता 15 ऑगस्ट पर्यंत या योजनेत गुंतवणूक करून चांगल्या कमाईच्या संधीचा लाभ घेऊ शकता.
SBI वेबसाइटनुसार, नियमित ग्राहकांना 7.10% व्याज दिले जात आहे आणि 400 दिवसांच्या ‘अमृत कलश’ विशेष FD योजनेंतर्गत ज्येष्ठ नागरिकांना 7.6% व्याज दिले जात आहे. एसबी आयच्या या विशेष एफडी योजनेमध्ये मुदतपूर्व पैसे काढणे आणि ठेव पर्यायांवर कर्ज देखील समाविष्ट आहे. म्हणजे तुम्ही या अमृत कलश स्पेशल एफडी वरही कर्ज घेऊ शकता.
जर तुम्हाला SBI च्या अमृत कलश योजनेत गुंतवणूक करायची असेल तर तुम्ही 15 ऑगस्ट पर्यंत गुंतवणूक करू शकता. यानंतर नवीन ग्राहक यामध्ये गुंतवणूक करू शकणार नाहीत. या योजनेत गुंतवणूक करण्यासाठी, तुम्ही SBI शाखा, इंटरनेट बँकिंग किंवा SBI YONO अॅपद्वारे बुक करू शकता.
या गोष्टी लक्षात ठेवा
SBI च्या अमृत कलश योजनेत मॅच्युरिटी पूर्ण झाल्यानंतरच तुम्हाला व्याज दिले जाईल. दुसरीकडे, जर तुम्हाला वेळेपूर्वी पैसे काढायचे असतील, तर तुम्हाला ठेवीच्या वेळी लागू असलेल्या दरापेक्षा 0.50% ते 1% कमी व्याज मिळू शकते. म्हणजेच तुम्हाला 1 टक्के कमी व्याज मिळेल. आयकर नियमांनुसार टीडीएस कापला जाईल. या स्थितीत, ग्राहकाला आयटीआर भरताना फॉर्म 15G/15H भरावा लागेल आणि कर कपातीतून सूट मिळावी.
जाणून घ्या किती व्याज मिळेल?
स्टेट बँक ऑफ इंडिया सामान्य लोकांसाठी 2 कोटी रुपयांपेक्षा कमी रकमेसाठी 3% आणि 7% च्या दरम्यान व्याज दर देते आणि ज्येष्ठ नागरिकांसाठी 3.50% आणि 7.50% च्या दरम्यान व्याजदर देतात. 2 वर्षे ते 3 वर्षां पेक्षा कमी कालावधीसाठी दिलेला सर्वोच्च व्याजदर सामान्य नागरिकांसाठी 7% आणि ज्येष्ठ नागरिकांसाठी 7.50% आहे.
